Tedim Lai Siangtho

Late 101

Keima la pen thumanna leh thutanna la ahi hi. Nang ka hong sak ding hi; Topa aw, kong sak ding hi.
Paubaanna a omlo thu bek ka kin ding hi. Cik ciangin kei kiangah hong pai ding na hi hiam? Lungsim hoihna tawh ka inn sungah ka gamta ding hi.
A sia na peuhmah ka deih kei ding hi. Lamkhial mite nasepna ka mudah a, tuate tawh ka kisukha kei ding hi.
Lungsim kawina ka deih hetkei a, siatna, ngaihsutin zong ka neikha kei ding hi.
A vengte a gensia sim mite ka susia ding a, kiphatsakna, kihihsakna lungsim a nei mi ka thuak kei ding hi.
Leitungah a thuman mite kei tawh a om theihna dingin maipha ka pia ding a, paubaanna omloin a gamta mi in keima na hong sem ding hi.
Khemna a zang mi peuhmah keima inn-ah tenglo ding a, zuauthu a gen mi peuhmah keima omna-ah om thei nawnlo ding hi.
Zingsang simin leitunga migilote khempeuh ka susia ding a, Topa khuapi panin siatna bawlte khempeuh ka khenkhia ding hi.

Theme Customizer

Theme Styles



Header Colors