Tedim Lai Siangtho

bible

Topa aw, nang kong sam hi; hong kinawh in. Nang kong sap ciangin ka aw hong ngai in.
Ka thungetna pen na mai-ah paknamtui bangsak in la, ka khutte ka laptohna pen nitak biakpiakna bangsak in.
Topa aw, keima kam a cing ding khat koih in la, ka mukte kongkhak a vil ding khat koih in.
Mawh bawlnopna lungsim hong neisak kei in la, a gilo mite tawh hong kikhawlsak kei in. Amau anlimte hong duhgawh sak kei ta in.
Miphapa kei hong vuasak in la, ahih hangin migilote ka lu sathau nilhsak kei in; bang hang hiam cih leh amau gitloh gamtatnate nakpi takin langpangin thu ka ngenngen hi.
Amaute, thu kisitin mawhsakna a thuak uh ciangin, Topa thute man hi, ci-in a thei ding uh hi.
Mi khat in suangpi khat sukhamin leitungah a thehthang gawp bangin Leinuai kongvangah amau guhte kithehthang hi.
Ahih hangin Topa Pasian aw, nang ka hong muang tawntung a, nangmah ka hong bel hi. Tua ahih manin kei hong nusia kei in.
Amaute in kei hong siahna uh tehlop leh siatna bawlte thangzak panin kei hong kem in.
Kei ka suahtak khit ciangin amau ngenthang sung mahah migilote awksak in.

Brand Slider

 Bible
 Books
 Oldbok
 Music
 Videos
 Movies
 Tutorials