Tedim Lai Siangtho

bible

Topa hong huh ding ngenin ka kiko a, Topa tungah ka thum hi.
Ama mai-ah ka lungkimlohna ka sung a, ama mai-ah ka haksatna teng ka gen hi.
Ka cihna ding ka theih nawnloh ciangin, amah in ka mailam ding hong theihsak hi. Ka paina lampi-ah ka galte in tehlop khat tawh kei hong siah uh hi.
Ka kiim ka pam khuadakin ka en kawikawi a, ahih hangin kei hong huh ding kuamah omlo hi. Ka belh ding kuamah omlo a, kuamah in kei hong donlo hi.
Topa aw, nang tungah kong kiko hi. Nang pen keima belh na hi a, a hingte leitangah keima tanh na hi hi, ka hong ci hi.
Ka kikona hong ngai in. Bang hang hiam cih leh nakpi takin kei hong kiniamkoih suk hi. Kei hong bawlsiate kiang pan hong honkhia in. Bang hang hiam cih leh kei-a dingin amaute hatlua uh hi.
Thong sung panin kei hong lakhia in. Tua ciangin nangma mite tawh kong phatkhawm ding uh hi. Bang hang hiam cih leh itna lianpi tawh kei tungah nong gamta hi.

Brand Slider

 Bible
 Books
 Oldbok
 Music
 Videos
 Movies
 Tutorials