Tedim Lai Siangtho

bible

Topa phat un. Vantung panin Topa phat un la, a sangna panin amah phat un.
Ama vantung mi khempeuh aw, amah phat un. Ama mihonte khempeuh aw, amah phat un.
Ni leh kha aw, amah phat un. A taang aksi khempeuh aw, amah phat un.
Van sangpente leh vantunga om tuite aw, amah phat un.
Topa min amaute phatsak un. Bang hang hiam cih leh amah in thu pia a, amaute a piang hi.
Amaute a tawntunga om dingin amah in kipsak a, a palsatloh ding uh thupiakna amah in a bawl hi.
Leitung panin Topa phat un, no gulpi liante leh tuipi thuk khempeuh,
mei leh gial, tuikhal leh vuk, ama thupiakna a mang huihpi!
Amah phat un, no mual liante leh mual neute khempeuh, gah a nei singkungte leh taamtak singkung khempeuh!
Gamsate leh innsate khempeuh, a bokvak ganhingte leh a leeng vasate khempeuh!
No leitung kumpite leh mihing khempeuh, leitung uliante leh thukhente khempeuh!
Nungakte leh tangvalte, teeksiate leh naupangte aw, amah phat un.
Topa min phat un. Bang hang hiam cih leh amah bek a minlian hi a, ama minthanna pen leitung leh vantung sangin sangzaw lai hi.
Amah in ama mite thahatsak a, ama mi siangthote khempeuh, ama mai-ah a om Israel-te khempeuh in amah phat uh hi. Topa phat un.

Brand Slider

 Bible
 Books
 Oldbok
 Music
 Videos
 Movies
 Tutorials