Tedim Lai Siangtho

bible

Topa aw, a hoihin gamta-in Topa hong muang ka hih manin, ka thutanna hong lak in.
Topa aw, hong ze-et in la hong sin in. Ka lungsim leh ka ngaihsutna hong entel in.
Bang hang hiam cih leh na itna kip in lam hong lak a, nangma tungah citakin ka gamta hi.
Mikhialte tawh tukhawm loin, thusim neite tawh ka kipawl kei hi.
Siatna a bawl mite ka mudah a, migilote tawh ka tukhawm kei hi.
Topa aw, mawh baanlohna ka lahna-in ka khutte ka sil a, biakna pia-in na biakna tau kiimah ka pai hi.
Lungdam kohna la a gingin sa-in, nangma nasep a lamdangte ka gen kawm hi.
Topa aw, nangma inn-a ten ding leh na minthang a omna munah om ding ka ut hi.
Mimawhte, mi that nuamte, siatna a bawl mite, leh golhguk a la nuamte tawh kei hong susia khawm kei in.
Ahih hangin kei ahih leh, ka hoih gamtat hi. Hong hehpih in la, kei hong honkhia in.
Leizang munah ka ding hi. Mihon tampi lakah Topa ka phat ding hi.

Brand Slider

 Bible
 Books
 Oldbok
 Music
 Videos
 Movies
 Tutorials