Tedim Lai Siangtho

bible

Judah gamsungah Pasian kithei a, Israel gamsungah ama min lian hi.
Zion khuasungah ama tenna mun kibawl hi.
Amah in tua lai-ah thaltangte, lum, namsau, leh galhiamte a kuaitan hi.
A om ngitnget mual liante sangin na min thangzaw a, na lianzaw hi.
A thahatte neihsa nate kisutkhia a, amaute ihmucip suak uh hi.
Jakob Pasian aw, nangma thuhilhna hangin sakol leh a tung tuangpa khawlcip uh hi.
Ahih hangin nang na kihtakhuai mahmah hi. Na heh khit phot ciangin nangma mai-ah kua ding ngam nawn ding ahi hiam?
Vantung panin thukhenna na genkhia hi. Gimna a thuak leitung mi khempeuh a hon dingin thukhen dingin Pasian a kipat ciangin leitung lau mahmahin tang hetloin a om khikhe hi.
Mihingte hehna in nang hong kiphatna ding piangsak ding a, na hehna panin a suakta mite in nangmah pahtawina pawi a bawl ding uh hi.
Topa na Pasian tungah na thuciamnate uh pia un la, tuate khempeuh zui un. Leitung kumpite sangin a kihtakhuai zaw, uliante lungsim a niamkhiat, zahtak ding ahipa tungah, ama kiimah a om mi khempeuhte in letsong puak ta uh hen!

Brand Slider

 Bible
 Books
 Oldbok
 Music
 Videos
 Movies
 Tutorials