Tedim Lai Siangtho

bible

Hong pai un, Topa phat ni. Eite a hong hu, a hong honkhiapa tungah lungdamna la sa ni.
Ama omna-ah lungdamna ko-in pai ni. Phatna late, ama tungah lungdam takin sa ni.
Bang hang hiam cih leh Topa, a lian Pasian hi a, pasian khempeuh tungah Kumpi lianpa ahi hi.
Amah in leitung khempeuh uk a, guam thuk pen panin mual sang pen dawn dongin amah in a uk hi.
Ama bawlsa tuipite uk a, ama bawlsa leitung zong amah in a uk hi.
Hong pai un, amah bia-in kun ni. Eite hong Bawl Topa mai-ah khukdin ni.
Bang hang hiam cih leh amah pen eite Pasian hi a, eite pen ama hong kep mite leh ama khutsunga om a tuute ihi hi. Tuni-in hih bangin ama hong thugen za un:
Amaute in ka nasepna mu khin uh hinapi, Meribah leh Massah munah na pate un kei hong ze-etin, gamtatna tawh ka lah ding hong kalh hun lai uh bangin, note in na lungsim uh khauhsak kei un.
Kum sawmli sung tua minam ka kih a, "Amaute pen a lungsim uhah a khial mi hi a, amaute in ka thupiakte manglo uh hi," ka ci hi.
Tua ahih ciangin keima nopsakna munah amaute a lutlo dingin sinso kawmin ka kiciam hi.

Brand Slider

 Bible
 Books
 Oldbok
 Music
 Videos
 Movies
 Tutorials