Cidam Na Ding

Cidam Na Ding

Tangmai: Tangmai-ah pumpi a cidamsak – Potassium, Sodium, Magnesium, Sulphur, Chlorine leh Silicon om hi. Tua manin ann haizanna (digession) baihsak a, ek thak nuamsak hi. Gilsung lam hoih lo ulser leh gastric neite adingin tangmai sukzan tui dawn hoih hi. Sisan sang leh kaih adingin zong hoih hi. Tangsiat, vun keu, leh mai vun adingin hoih mahmah lai hi.

Ziklum/Kawpi: Ziklum ah Vitamin C, Vitamin B Complex, Calcium, Phosphorus leh Iron om hi. Ann paina lampi siangsak a, gilpi ulser neite adingin hoih mahmah hi. Vun natna tuamtuam, ulcer, meima leh mei ii katte a nah tawh tuam leng dam thei hi.

Mehthuk: Mehthuk pen zunkhum, mit hoih lo leh zun lampi hoih lote adingin zatui hoih hi a, tua banah, a tui pen TB, tuap natna, sin hoih lo, gilsung lam hoih lote adingin hoih a, maiah nuh leng mai ngoin, tangsiat dam thei hi.

Carrot: Carrot ah carotene (VitaminAkibawlna) om a, tua pen Vitaminah kibawlin, pumpi in vitamin a kisapna-ah kizang thei hi. Carrot ahmihing kisap minerals tuamtuam om ahih manin sisan siangsak a, mit adingin hoih mahmah banah, ann nek kham cianga carrot nekna in kam sunga hik hoih lote thatin, hani leh ha cidamsak hi. Carrot pen a sial a nek mah hoih pen hi.