Sian Tongluan Sian Tongluan

About Us

Lai Siangtho: Zomite i tuntunna panin Pasian thu ngenlo, phatlo leh Lai Siangtho simlo in kiom theilo ahih manin i om nana panin Lai Siangtho online tung pan sim theih ding leh aw-a ngaih theih dingin hong kibawlkhia ahi hi...

Laibu Saal: Siantongluan.net laibu saal panin thangthu hoih nono leh thu laigil hoih tuamtuam hong kikaikhawm ding a, hong kiguang zel ding hi. Hih bangin Zomi tangthu ka kaihkhopna a hang pen i ngeina leh i thangthute a beimang lohna ding ahi hi. Tua bekthamloh in thu laigil tuamtuam a kikaihkhopna a hangin i simna tungtawn panin ngaihsutna hoih nono i ngah theih na ding leh khat leh khat thu hoih tuamtuam kihopsawn nopna zong ahi hi...

Tumging leh Melmuh Tongsan: Hih tumging leh melmuh tongsante hamsa tase mah leh hong kikaihkhop tantanna a hang pen i ngaihna leh i et, i muhna tawngtawn in pilna tampitak lathei bekthamloh in i ngaihsutna leh nuntaknate zong a kheltaakte tampitak hong kikhel sakin, a puahtaakte zong tampitak hong kipuahsak thei ding hi cih ngaihsutna tawh hong kiguang tantan ahi hi.

Namkhat lam panin ngaihsun leuleu le hang, hih tumging leh melmuh tongsante i ngaih, i zakna tungtawn in ngaihsutna hoih tuamtuam kilathei a, i etna tungtawn in pilna, ciimna leh a tuamtuam tampitak hong mukhiasak thei bekthamloh in i muhna tungtawn in tua ahoih tuamtuam i muhkhiatte in manphatna tampitak hong pia, piangsak hi...

A dang Tuamtuam: Hih a dang tuamtuamte pen sin theih leh a tuamtuam laktheih (download) dingte ahi hi. Hih sin theih, laktheih (download) dingte pen na login masak kul ding a, account na neih nai kei leh na register phawt kul ding hi. Member lutman sum beilo in user area sung a laktheih (download) leh sin theihte zong a mawkna ahi hi...

Sian Tongluan Thu Tom Cing

Sian Tongluan cih laigual no khat pen 2006 kumin Pasian hong piak laigual leh khiatna hoih mah mah khat ahi hi.

Sian pen ka pa min patna pan ka lak hi a, "Pasian" ka cihnopna zong ahi hi. Luan pen ka nu min patna mah pan ka lak hi a, i biak Pasian in ka tungah a thuphate hong "Luan" ka cihnopna zong ahi hi.

Tong leuleu ciangin laigual hoih, laigual kicingsak leh khiatna hoih hong piankhiatna dingin ka behlap ahi hi. Tong in khiatna nei-in ahih hang in tong i khaitna hih munah lalo zaw in Tongluan a kigawm ciang bekin a khiatna a lazaw ka hi hi.

Sian Tongluan i a khiatna in a beisa ka nuntaknate sungah gentheih haksatna tampitak thuak in hi mah tase leng i biak Pasian in ka thuak gentheih haksatnate pan hong nusia, hong paisan, hong manghilh hetlo in mawh nei pipi mah ka nuntakna hong it veve in a thuphate hong luansuk in thupha namkim hong pia, hong muhsaknate ka ngaihsut sut ciangin Sian Tongluan cih Pasian hong piak laigual leh khiatna hoih mah mah khat ka na phuak thei hi.

Sian Tongluan cih khiatna tomlak le hang "cidamna leh lungnopna, pilna leh siamna, hauhna leh maitaina, sepna peuhah lawhcinna, ..." cihte khempeuh Sian Tongluan cihna ahi hi. (hihtheihlohna pan hihtheihna khempeuh Sian Tongluan).

Thukhupna: Heisuk heitoh, sep leh bawlna khat peuhpeuhah I biak Pasian lo tawh gualzawhnate kingah ngeilo hi. Vaikhat peuhpeuh I neih ciangin I biak Pasian tungah I vaikhempeuh ap le hang I biak Pasian in hong ompih dingin matut gualzawhnate hong pia ding hi ...

Tualniam ka nuntakna hong tawisang Pa, Lungdeih liibang cinna tung Sianmang aw,
Luitui luang silsial a lunggulh gam kisa bangin, Nang kong lunggulh hi Topa ...